Cò sinn

B’ e Comhairle Choitcheann Teagaisg  na h-Alba (GTC Alba) aon de na ciad comhairlean teagaisg san t-saoghal an uair a chuireadh e air chois le tidsearan ann an 1965.

Ann an 2012, tro reachdas a chaidh achdachadh le Pàrlamaid na h-Alba b’ e seo a’ chiad bhuidheann neo-eisimeileach, fèin-riaghailteach san t-saoghal airson teagasg. 

Tha GTC Alba air a riaghladh le Comhairle a tha a’ suidheachadh poileasaidh GTC Alba. Is e tidsearan a tha air an taghadh an àireamh as motha de bhuill na Comhairle.

Tha GTC Alba a’ suidheachadh inbhean proifeiseanta còmhla ri agus airson tidsearan agus òraidichean na h-Alba.

Is e riatanas laghail a tha ann gum bi a h-uile tidsear a tha ag obair ann an sgoiltean na h-Alba air an clàradh le GTC Alba. 

Ann an 2018, bha aonta nàiseanta ann airson gach òraidiche a bha ag obair ann an colaistean Alba a bhith air an clàradh tro GTC Alba. 

Leugh tuilleadh mu eachdraidh GTC Alba ann an Milestones and Minefields le Ian Mathieson.

Ar bun-ghnìomhan

• A bhith mar luchd-gleidhidh airson nan inbhean proifeiseantachd le agus airson tidsearan agus òraidichean na h-Alba
• A bhith a’ dèanamh dealbh den mhodh-giùlain a thathar a’ sùileachadh bho thidsearan agus òraidichean
• A bhith a’ cumail suas Clàr nan Tidsearan ann an Alba le bhith a’ clàradh thidsearan a tha teisteanaichte ann an Alba cho math ri àiteachan eile air feadh an t-saoghail
• A bhith a’ dìon a’ phobaill tro chlàradh agus rianachd èifeachdach de Chlàr nan Tidsearan
• A bhith a’ toirt taic don fheadhainn a tha gu bhith nam proifeiseantaich teagaisg tro bhith:
  • a’ creideasachadh prògraman Tùs Fhoghlam Thidsear
  • a’ rianachadh an t-Siostam Suidheachadh Oileanach
  • a’ rianachd an Sgeama Inntrigeadh Thidsear
  • a’ toirt taic do dh’oileanaich agus luchd-pròbhaidh
  • a’ toirt taic do luchd-taic luchd-pròbhaidh agus luchd-fastaidh
  • a’ toirt comhairle do dhaoine a tha airson a bhith a’ teagasg ann an Alba
• A bhith a’ toirt taic do thidsearan agus òraidichean tro bhith:
  • a’ tabhann bun-structar airson ionnsachadh proifeiseanta tro MyPL
  • a’ dèanamh cinnteach gu bheil tidsearan a’ cumail an àirde an ionnsachadh proifeiseanta tro Ùrachadh Proifeiseanta
  • a’ toirt stiùireadh mu Lèirmheas agus Leasachadh Proifeiseanta èifeachdach
  • a’ toirt taic do shunnd tidseir tro ar Hub Slàinte agus Sunnd
  • a’ meudachadh fòcas air co-ionannachdan agus iomadachd tro ar Hub Co-ionannachdan agus Iomadach
  • a’ solar guth airson teagaisg le bhith a’ toirt comhairle do Riaghaltas na h-Alba agus com-pàirtichean eile
• A bhith a’ misneachadh fàs proifeiseanta thidsearan agus òraidichean tro:
  • a’ tabhann chothroman airson aithne proifeiseanta
  • a’ duaiseachadh an Inbhe airson Ceannardas
  • a’ brosnachadh cuspair a bharrachd no clàradh roinne
  • a’ stiùireadh leasachadh coidsidh
  • ag aithneachadh agus a’ comharrachadh sàr-mhaitheas ann an ionnsachadh proifeiseanta
  • a’ dol an sàs le com-pàirtichean nàiseanta agus eadar-nàiseanta leis an amas a bhith a’ toirt buaidh air fàs thidsear ann an Alba
  • a’ tabhann fiosrachadh, comhairle agus taic dìreach gu tidsearan tron iris Teaching Scotland agus sreath de bhileagan-iùil phroifeiseanta

Ar reachdas riaghlaidh

• Buileachadh Inbhe Neo-eisimeileach: The Public Services Reform (General Teaching Council for Scotland) Order 2011
• An riatanas airson tidsearan a tha ag obair ann an Ùghdarrasan Ionadail na h-Alba clàradh: The Requirements for Teachers (Scotland) Regulations 2005
• An riatanas airson tidsearan a tha ag obair ann an Sgoiltean Neo-eisimeileach agus le Taic Tabhartais clàradh: The Registration of Independent Schools (Prescribed Person) (Scotland) Regulations 2017
• Aonta airson Òraidichean Colaiste clàradh: National Joint Negotiating Committee Circular 03/18